ពិធីប្រគល់-ទទួលបណ្ណាល័យមិត្តភាពកម្ពុជា-ចិន

កំពង់ចាម៖ ព្រឹកថ្ងៃទី២២ ខែកញ្ញា ឆ្នាំ២០២៣ នៅសាលាបឋមសិក្សាប្រសូត្រ ស្ថិតនៅក្នុងភូមិប្រសូត្រ ឃុំជើងព្រៃ ស្រុកបាធាយ ខេត្តកំពង់ចាម មានរៀបចំកម្មវិធីប្រគល់-ទទួលបណ្ណាល័យមិត្តភាពកម្ពុជា-ចិន ដែលជាអំណោយរបស់ស្ថានទូតចិនប្រចាំកម្ពុជាតាមរយៈវេទិកាសម្ព័ន្ធសង្គមស៊ីវិល។ ក្នុងនាមឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាវេទិកាសម្ព័ន្ធសង្គមស៊ីវិល  លោកបណ្ឌិត ជា មុនីឫទ្ធិ ប្រធាននាយកដ្ឋានផែនការនិងគម្រោងនៃវេទិកាសម្ព័ន្ធសង្គមស៊ីវិលបានថ្លែងទៅកាន់គណៈគ្រប់គ្រង លោកគ្រូ-អ្នកគ្រូ សិស្សានុសិស្ស និងអាជ្ញាធរមូលដ្ឋាន ថា ក្រោមការដឹកនាំប្រកបដោយភាពវាងវៃរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ទំនាក់ទំនងរវាងកម្ពុជានិងចិនកាន់តែរឹងមាំ ដែលបានផ្តល់ផលប្រយោជន៍កាន់តែច្រើនដល់ប្រទេសយើងទាំងពីរ កម្ពុជានិងចិន។ដោយឡែក ការកែលម្អបណ្ណាល័យជូនដល់សាលាបឋមសិក្សាប្រសូត្រគឺជាសមិទ្ធផលថ្មីមួយបន្ថែមទៀតសម្រាប់បម្រើជូនដោយផ្ទាល់ដល់សិស្សានុសិស្សចំនួន២៣៥នាក់ ដែលកំពុងសិស្សា ហើយក៏ជាការផ្តល់ឱកាសដល់មហាជននានានៅក្នុងភូមិប្រសូត្រនិយាយដោយឡែក នៅក្នុងឃុំជើងព្រៃនិយាយរួមមកកំសាន្តតាមរយៈអំណានសៀវភៅជាច្រើននៅទីនេះផងដែរ។ ឆ្លៀតក្នុងឱកាសនោះ  ក្នុងនាមឯកឧត្តម កឹមរ័ត្ន វិសិដ្ឋ លោកបណ្ឌិត ជា មុនីឫទ្ធិ បានថ្លែងអំណរគុណចំពោះស្ថានទូតចិនប្រចាំកម្ពុជាដែលជានិច្ចកាលតែងបានគាំទ្រដល់បេសកកម្មការងាររបស់វេទិកាសម្ព័ន្ធសង្គមស៊ីវិលក្នុងការចូលរួមអភិវឌ្ឍនៅជនបទដើម្បីបំពេញបានតម្រូវការជាក់ស្តែងរបស់ប្រជាជនកម្ពុជានៅនឹងមូលដ្ឋាន និងបានកោតសរសើរនិងវាយតម្លៃខ្ពស់ចំពោះកិច្ចខិតខំប្រឹងប្រែង និងការចូលរួមរបស់គណៈគ្រប់គ្រង អាជ្ញាធរមូលដ្ឋាន លោកគ្រូ អ្នកគ្រូ អាណាព្យាបាលសិស្ស ដែលបានជួយជ្រោមជ្រែងដល់ការអនុវត្តសកម្មភាពកែលម្អបណ្ណាល័យនេះ។ក្នុងនាមគណៈគ្រប់គ្រង លោកគ្រូ អ្នកគ្រូ អាណាព្យាបាលនិងសិស្សានុសិស្ស លោក ផ្លូច ផា នាយកសាលាប្រសូត្រ បានសម្តែងនូវទឹកចិត្តសប្បាយរីករាយជាមួយនិងសមិទ្ធផលដ៏ថ្លៃថ្លាដែលជាជំនួយរបស់ស្ថានទូតចិនប្រចាំកម្ពុជាតាមរយៈវេទិកាសម្ព័ន្ធសង្គមស៊ីវិលនេះ ហើយលោកនឹងបន្តថែរក្សាបណ្ណាល័យនេះដោយចាត់ទុកជាថ្នាលមិត្តភាពរវាងប្រជាជននៃប្រទេសយើងទាំងពីរ។ កុមារី ស៊ិញ  គីមឡេង  រៀនថ្នាក់ទី៦ បានញញឹមពោរពេញដោយក្តីសង្ឃឹមលើការសិក្សារបស់ខ្លួនដែលទើបមានបណ្ណាល័យថ្មីស្រស់ស្អាតគួរជាទីមនោរម្យដែលជាអំណោយរបស់មិត្តចិន ហើយនាងនិងសិស្សានុសិស្សដទៃទៀតតែងបានចំណាយពេលវេលាមកអានសៀវភៅល្អៗជាច្រើននៅក្នុងបណ្ណាល័យដើម្បីទទួលបានចំណេះដឹងបន្ថែមលើការសិក្សារបស់ខ្លួន។

• ព័ត៌មាន
• 5hours ago​

ជំនួបសម្តែងការគួរសមរបស់គណៈប្រតិភូ សមាគមថ្នាលយុវជនកម្ពុជា

នាព្រឹកថ្ងៃអង្គារ ទី១២ ខែកញ្ញា ឆ្នាំ២០២៣ ឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាល និងថ្នាក់ដឹកនាំ វ.ស.ស. បានទទួលជំនួបសម្តែងការគួរសមពីគណៈប្រតិភូ សមាគមថ្នាលយុវជនកម្ពុជា នៅអគារទីស្តីការគណៈរដ្ឋមន្រ្តី ដែលជំនួបនេះមានគោលបំណងស្វែងយល់បន្ថែមពីសាវតា បេសកកម្ម គោលបំណងរបស់ វ.ស.ស. រួមទាំងបទបង្ហាញពីទិសដៅ គោលបំណង និងសកម្មភាពរបស់សមាគមថ្នាលយុវជនកម្ពុជា ជូនឯកឧត្តមប្រធាន និងថ្នាក់ដឹកនាំ វ.ស.ស. និងការពិនិត្យលទ្ធភាពស្នើសុំចូលជាសមាជិករបស់ វ.ស.ស. ដែលជាការចូលរួមចំណែកអភិវឌ្ឍន៍សេដ្ឋកិច្ច-សង្គម ប្រកបដោយចីរភាព ស្របតាម « យុទ្ធសាស្រ្តបញ្ចកោណ » ដំណាក់កាលទី១ របស់រាជរដ្ឋាភិបាល នីតិកាលទី៧នៃរដ្ឋសភា ដែលបានចាត់ទុកអង្គការសង្គមស៊ីវិលជាដៃគូដ៏សំខាន់ក្នុងដំណើរការអភិវឌ្ឍន៍ប្រទេសកម្ពុជា។

• ព័ត៌មាន
• ថ្ងៃ​អង្គារ ១២ ខែ​កញ្ញា ២០២៣​

Request for Expression of Interests (REOI) Community Based Tourism (CBT) Support Package to recruit a Service Provider to provide extensive support and fast track the development and strengthening of CBTs to implement 5-year financially sustainable development plans.

• ព័ត៌មាន
• ថ្ងៃ​អង្គារ ៥ ខែ​កញ្ញា ២០២៣​