ទិវាប្រារព្ធពិធីគោរពព្រះវិញ្ញាណក្ខន្ធព្រះករុណាព្រះបាទសម្ដេចព្រះ នរោត្ដម សីហនុ
ទិវាប្រារព្ធពិធីគោរពព្រះវិញ្ញាណក្ខន្ធព្រះករុណាព្រះបាទសម្ដេចព្រះ នរោត្ដម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ \"ព្រះបរមរតនកោដ្ឋ\" (១៥ តុលា ២០១២ - ១៥ តុលា ២០២៤)។ ទូលព្រះបង្គំទាំងអស់គ្នា ជាថ្នាក់ដឹកនាំ និងមន្រ្តីរាជការនៃវេទិកាសម្ព័ន្ធសង្គមស៊ីវិល (វ.ស.ស.) នៅតែចងចាំជានិច្ចនូវព្រះរាជគុណូបការៈ និងវីរភាពរបស់ព្រះអង្គចំពោះជាតិ មាតុភូមិ ជានិច្ចនិរន្តរ៍។
អានបន្ត
ដំណើរទស្សនកិច្ចប្រធានក្រុមប្រឹក្សាភិបាលវ.ស.ស. នៅប្រទេសចិនក្រោមក្របខ័ណ្ឌSIRONET
ក្រុងសៀងហៃ ប្រទេសចិន៖ ក្រោមកិច្ចសម្របសម្រួលពីCNIE នាថ្ងៃទី២០ ខែកញ្ញា ឆ្នាំ២០២៤ លោកស្រី Wang Lei ប្រធានCNIE ប្រចាំក្រុងសៀងហៃ បានអមដំណើរឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាល វ.ស.ស. បានទស្សនកិច្ចនៅសារមន្ទីរពិព័រណ៍ផែនការទីក្រុងសៀងហៃ ដើម្បីឈ្វេងយល់ពីផែនការរយៈពេលវែងសម្រាប់នគរូប នីយកម្មក្នុងក្រុងសៀងហៃដោយធ្វើឱ្យមានសុខដុមនីយកម្មរវាងមនុស្សនិងធម្មជាតិក្នុងទម្រង់ទំនើបកម្មឌីជីថលនៃសំណង់អគារ។ក្នុងអំឡុងពេលទស្សនកិច្ចនេះ ឆ្លើយតបនឹងភាពជាដៃគូរវាងសង្គមស៊ីវិលនៃប្រទេសយើងទាំងពីរក្រោមគំនិតផ្តួចផ្តើមរបស់ឯកឧត្តមប្រធានក្រុមប្រឹក្សាភិបាលវ.ស.ស. លោកស្រី Wang Lei បានជម្រាប និងរាយការណ៍ជូន ឯកឧត្តម ប្រធានក្រុមប្រឹក្សាភិបាលពីស្ថានភាពជាក់ស្តែងនៃសង្គមស៊ីវិលរបស់ចិននៅក្នុងក្រុងសៀងហៃក្រោមឆ័ត្ររបស់CNIEដែលបាននិងកំពុងរួមចំណែកយ៉ាងសកម្មនៅនាមជាដៃគូយ៉ាងជិតស្និទ្ធជាមួយរដ្ឋបាលក្រុងសៀង ហៃ និងមានលក្ខណៈបុរេសកម្មក្នុងកិច្ចសហប្រតិបត្តិការជាមួយបណ្តាសង្គមស៊ីវិលបរទេសនានា ហើយលោកស្រីបានត្រៀមខ្លួនរួចជាស្រេចក្នុងការសម្របសម្រួល និងធ្វើជាស្ពានរវាងដៃគូសង្គមស៊ីវិលរបស់ចិនក្នុងក្រុងសៀងហៃ ជាមួយនិងសង្គមស៊ីវិលនានារបស់កម្ពុជានៅក្រោមឆ័ត្ររបស់វេទិកាសម្ព័ន្ធសង្គមស៊ីវិល។ប្រទេសចិន៖ ល្ងាចថ្ងៃទី២១ ខែកញ្ញា ឆ្នាំ២០២៤ លោក Shi Huifang លេខាបក្សកុម្មុយនិស្តចិនប្រចាំក្រុងShaoxingបានទទួលស្វាគមន៍គណៈប្រតិភូសង្គមស៊ីវិលSIRONETចំនួន១៣ប្រទេស ក្រោមការដឹកនាំពីឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាលវេទិកាសម្ព័ន្ធសង្គមស៊ីវិល។ក្នុងឱកាសនោះ លោក Shi Huifang ក៏បានជម្រាបជូនគណៈប្រតិភូSIRONETពីប្រវត្តិសាស្រ្តរាប់ពាន់ឆ្នាំនៃព្រីកជីកក្នុងក្រុងShaoxing ដែលអាចផ្តល់ជាបទពិសោធន៍ដល់គណៈប្រតិភូSIRONET ឈ្វេងយល់និងដកបទពិសោធន៍ពីជំនាញនិងការគ្រប់គ្រងព្រែកជីកសម្រាប់ផ្តល់ជាសក្តានុពលបម្រើដល់ផលប្រយោជន៍សេដ្ឋកិច្ច-សង្គមកិច្ច និងការផ្លាស់ប្តូររវាងប្រជាជននិងប្រជាជនតាំងពីបុរាណកាលរហូតមកដល់ពេលបច្ចុប្បន្ន និងបន្តទៅអនាគត។ក្នុងនាមជាប្រធានគណៈប្រតិភូសង្គមស៊ីវិលតាមផ្លូវសូត្រ(SIRONET) ដែលមានសមាសភាពចំនួន១៣ប្រទេស (១-កម្ពុជា ២-ថៃ ៣-មីយ៉ាន់ម៉ា ៤-ឥណ្ឌូនេស៊ី ៥-នេប៉ាល់ ៦-ប៉ាគីស្ថាន ៧-ស្រីលង្កា ៨-អេហ្សីប ៩-អេស្ប៉ាញ ១០-ម៉ាឌីល ១១-ម៉ិចស៊ិក ១២-ស៊ែប៊ី និង១៣-បង់ក្លាដេស) ក្នុងដំណើរទស្សនកិច្ចនៅប្រទេសចិនពីថ្ងៃទី១៩ ដល់ថ្ងៃទី២៧ ខែកញ្ញា ឆ្នាំ២០២៤ ឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាលវេទិកាសម្ព័ន្ធសង្គមស៊ីវិល (វ.ស.ស.) អញ្ជើញជាវាគ្មិនកិត្តិយសក្នុងសន្និសីទស្តីពី«អរិយធម៌ព្រែកជីក» នៅក្រុងShaoxing ខេត្តជឺជាំង ប្រទេសចិន នារសៀលថ្ងៃទី២១ ខែកញ្ញា ឆ្នាំ២០២៤ ជាមួយភាគីចិនដឹកនាំដោយលោក Wang Ke អគ្គលេខាធិការរងនៃបណ្តាញអង្គការក្រៅរដ្ឋាភិបាលសម្រាប់ការផ្លាស់ប្តូរអន្តរជាតិ(CNIE)។ព្រឹកថ្ងៃទី២២ ខែកញ្ញា ឆ្នាំ២០២៤ នៅក្រុងShaoxing ខេត្តZhejiang ឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សា ភិបាល វ.ស.ស. និងជាតំណាងគណៈប្រតិភូសង្គមស៊ីវិល១៣ប្រទេស បានថ្លែងសុន្ទរកថាគន្លឹះក្នុងពិធីបើកបាឋកថាស្តីពី «អរិយធម៌ព្រែកជីក និងការផ្លាស់ប្តូរអន្តរជាតិ»ដែលរៀបចំឡើងដោយCNIE។ វាគ្មិនកិត្តិយស ភាគីចិនរួមមាន៖ ១-ឯកឧត្តម AI PING អនុប្រធានCNIE និងជាអតីតអនុរដ្ឋមន្ត្រី IDCPC និង២-លោក Shan Jixiang ប្រធានគណៈកម្មាធិការអ្នកឯកទេសនៃសង្គមវប្បធម៌ចិន រួមជាមួយវាគ្មិនជាច្រើនរូបនៃបណ្តាប្រទេសដែលមានបទពិសោធន៍ខាងព្រែកជីក។ បាឋកថានេះផ្តោតលើផលប្រយោជន៍ពីព្រែកជីកដែលមានគុណតម្លៃលើសពីសេដ្ឋកិច្ច ដោយចូលរួមរំលេចពីវប្បធម៌ និងទំនាក់ទំនងរវាងប្រជាជននិងប្រជាជនផងដែរ។រសៀលថ្ងៃទី២៣ ខែកញ្ញា ឆ្នាំ២០២៤ ឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាល វ.ស.ស.និងជាតំណាង គណៈប្រតិភូសង្គមស៊ីវិល ១៣ប្រទេសបានជួបសំណេះសំណាល និងពិភាក្សាការងារជាមួយលោក Wang Jian លេខាធិការ បក្សកុម្មុយនិស្តចិនប្រចាំក្រុងYiwu ខេត្តZhejiang។ ឯកឧត្តមប្រធានបានស្នើដល់ភាគីចិនពិចារណាពីការចង សម្ព័ន្ធមេត្រីភាពជាមួយក្រុង-ស្រុកនានារបស់ប្រទេសកម្ពុជាបន្ថែមពីលើកិច្ចសហប្រតិបត្តិការរវាងសង្គមស៊ីវិល។ លោក Wang Jian ក៏បានជម្រាបជូនឯកឧត្តមប្រធានពីសក្តានុពលរបស់ក្រុងពាណិជ្ជកម្មនៃផ្សារបោះដុំធំបំផុតរបស់ប្រទេសចិន និងភស្តុភារកម្មដ៏ធំបំផុតពីប្រទេសចិនទៅកាន់អឺរ៉ុបតាមរយៈផ្លូវដែក និងផ្លូវសមុទ្រ។ បន្ថែមពីលើនេះ លោក Wang Jian ក៏បានរំលេចពីផលិតផលកសិកម្មរបស់កម្ពុជាបានចូលដល់ផ្ទះបាយរបស់ប្រជាជនចិនតាមរយៈក្រុងYiwuនេះផងដែរ។ព្រឹកថ្ងៃទី២៤ ខែកញ្ញា ឆ្នាំ២០២៤ ឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាលវ.ស.ស. និងជាតំណាងគណៈប្រតិភូសង្គមស៊ីវិល១៣ប្រទេស បានបំពេញទស្សនកិច្ចនៅសហគមន៍Jin Cheng ស្ថិតនៅក្នុងក្រុងYiwu ខេត្តZhejiang ដើម្បីឈ្វេងយល់ពីសេវាកម្មជូនដល់ជនបរទេសដែលកំពុងស្នាក់នៅក្នុងក្រុងពាណិជ្ជកម្ម។ សហគមន៍នេះមានគោលបំណងសម្រួលទិដ្ឋាការស្នាក់នៅបន្ត បង្រៀនភាសានិងវប្បធម៌ចិន ព្រមទាំងជាកន្លែងប្រជុំសន្និសីទ និងវេទិកានានា ដោយរាប់បញ្ចូលនូវបណ្ណាល័យនិងបណ្ណាល័យអេឡិចត្រូនិកថែមទៀតផង។ព្រឹកថ្ងៃទី២៥ ខែកញ្ញា ឆ្នាំ២០២៤ នៅរដ្ឋធានីប៉េកាំង ឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាល វ.ស.ស. និងជាតំណាងគណៈ ប្រតិភូសង្គមស៊ីវិល១៣ប្រទេស បានស្តាប់នូវបទបង្ហាញរបស់លោកស្រី Liu Ye អនុប្រធានវិទ្យាស្ថានស្រាវជ្រាវសេដ្ឋកិច្ចនៃគណៈកម្មការកែទម្រង់និងអភិវឌ្ឍជាតិស្តីពី«ការកសាងកិច្ចសហប្រតិបត្តិការខ្សែក្រវាត់និងផ្លូវក្រោមក្របខ័ណ្ឌសង្គមស៊ីវិល» និងបានពិភាក្សាយ៉ាងផុលផុសពីកិច្ចសហប្រតិបត្តិការកាន់តែស៊ីជម្រៅរវាងសង្គមស៊ីវិលរវាងប្រទេសកម្ពុជា និងចិន។រសៀលថ្ងៃទី២៥ ខែកញ្ញា ឆ្នាំ២០២៤ នៅរដ្ឋធានីប៉េកាំង ឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាល វ.ស.ស. និងជាតំណាងគណៈប្រតិភូសង្គមស៊ីវិល១៣ប្រទេស បានជួបសម្តែងការគួរសម និងពិភាក្សាការងារជាមួយឯកឧត្តម Li Jun អនុប្រធានCNIE។ ភាគីទាំងពីរបន្តប្តេជ្ញាលើកកម្ពស់កិច្ចសហប្រតិបត្តិឱ្យកាន់តែរឹងមាំបន្ថែមលើយន្តការដែលមានស្រាប់ក្នុងក្របខណ្ឌSIRONET។ថ្ងៃទី២៦ ខែកញ្ញា ឆ្នាំ២០២៤ នៅរដ្ឋធានីប៉េកាំង ឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាល វ.ស.ស. និងជាតំណាងគណៈប្រតិភូសង្គមស៊ីវិល១៣ប្រទេស បាន ពិភាក្សានិងស្វែងរកកិច្ចសហប្រតិបត្តិការរវាង បណ្តាសង្គមស៊ីវិលនៃបណ្តាប្រទេសក្របខណ្ឌSIRONET និងបណ្តាសង្គមស៊ីវិលរបស់ប្រទេសចិនក្រោមឆ័ត្រCNIE។ ឯកឧត្តមប្រធានបានថ្លែងសុន្ទរកថាគន្លឹះនិងផ្តល់អនុសាសន៍ជូនCNIEចំពោះដំណើរទស្សនកិច្ចប្រកបដោយសាមគ្គីភាព និងពង្រឹងកិច្ចសហប្រតិបត្តិការពហុភាគីលេីយន្តការដែលមានស្រាប់។ព្រឹកថ្ងៃទី២៧ ខែកញ្ញា ឆ្នាំ២០២៤ នៅរដ្ឋធានីប៉េកាំង ឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាលវ.ស.ស. និងជាតំណាងគណៈប្រតិភូសង្គមស៊ីវិល១៣ប្រទេស ទស្សនកិច្ចប្រព័ន្ធព្រែកជីកនានា និងប្រព័ន្ធរំដោះទឹកជំនន់ក្នុងរដ្ឋធានីប៉េកាំងដែលមានប្រវត្តិជាង១ពាន់ឆ្នាំកន្លងមក។ ក្រោមកិច្ចសម្របសម្រួលពីគម្រោង Canal Work គណ:ប្រតិភូSIRONET បានឈ្វេងយល់យ៉ាងស៊ីជម្រៅ ពីគម្រោងព្រែកជីកនាបុរាណសម័យរបស់ប្រទេសចិន។
អានបន្ត
សម្តេចមហាបវរធិបតី ហ៊ុន ម៉ាណែត អបអរសាទរការបោះពុម្ពផ្សាយសៀវភៅស្តីពី «សហគមន៍ជោគវាសនារួមកម្ពុជា-ចិន ឆ្ពោះទៅរកក្របខ័ណ្ឌកិច្ចសហប្រតិបត្តិការត្បូងពេជ្រក្នុងយុគសម័យថ្មី»
នៅក្នុងពិធីផ្សព្វផ្សាយសៀវភៅស្តីពី «សហគមន៍ជោគវាសនារួមកម្ពុជា-ចិន ឆ្ពោះទៅរកក្របខ័ណ្ឌកិច្ចសហប្រតិបត្តិការត្បូងពេជ្រក្នុងយុគសម័យថ្មី» ដែលបានរៀបចំនាថ្ងៃទី៤ ខែកញ្ញា ឆ្នាំ២០២៤ នៅទីស្តីការគណៈរដ្ឋមន្រ្តី ក្នុងសារលិខិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានបង្ហាញនូវការអបអរសាទរចំពោះសមទ្ធិផលនៃការបោះពុម្ពផ្សាយសៀវភៅនេះ ដែលជាសមិទ្ធផលសំខាន់មួយទៀតនៃកិច្ចសហប្រតិបត្តិការរវាងកម្ពុជា និងចិន ក្នុងគោលបំណងជំរុញទំនាក់ទំនង ជាពិសេសក្នុងការរឹតចំណងមិត្តភាពប្រជាជន-ប្រជាជនរបស់ប្រទេសទាំងពីរ “សៀវភៅនេះបង្ហាញពីកិច្ចខិតខំប្រឹងប្រែងក្នុងការកសាងសហគមន៍ជោគវាសនារួមកម្ពុជា-ចិន ដែលបន្តផ្តល់ជាផ្លែផ្កាជាច្រើន និងបង្កើតអនាគតដ៏ភ្លឺស្វាងសម្រាប់ប្រជាជាតិយើងទាំងពីរ។ ខ្ញុំជឿជាក់ថា សៀវភៅនេះនឹងចូលរួមចំណែកបន្ថែមក្នុងការបង្កើនការយល់ដឹងរបស់អ្នកអាន និងការស្រាវជ្រាវអំពីការបង្កើតសហគមន៍ជោគវាសនារួមកម្ពុជា-ចិនក្នុងយុគសម័យថ្មី ប្រកបដោយស្តង់ដារខ្ពស់ ក៏ដូចជាការលើកកម្ពស់ទំនាក់ទំនងកាន់តែស៊ីជម្រៅ និងស្ថិរភាពសម្រាប់ប្រទេសទាំងពីរ”។ឯកឧត្ដម វង្សី វិស្សុត ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីផ្សព្វផ្សាយសៀវភៅនេះ ដោយមានការចូលរួមពី ឯកឧត្តម WANG WENBIN ឯកអគ្គរដ្ឋទូតចិនប្រចាំកម្ពុជា និងអ្នកចូលរួមចំនួន ៣០០នាក់ មកពីធនធានបញ្ញា (Think Tanks) សាកលវិទ្យាល័យ និងស្ថាប័នសាធារណៈនានា ដោយបានគូសបញ្ជាក់ថា ទំនាក់ទំនងរវាងកម្ពុជា និងចិន ត្រូវបានពង្រឹងកាន់តែរឹងមាំ និងស៊ីជម្រៅ ក្រោមការដឹកនាំរយៈពេល៣០ឆ្នាំប្រកបដោយគតិបណ្ឌិតរបស់ សម្តេចតេជោ ហ៊ុន សែន ដែលត្រួសត្រាយដោយព្រះបរមរតនកោដ្ឋ ព្រះករុណាព្រះបាទ សម្តេចព្រះនរោត្តមសីហនុ អតីតព្រះមហាក្សត្រនៃព្រះរាជាណាចក្រកម្ពុជា។ កេរដំណែលនេះត្រូវបានបន្ត និងបង្ហាញពីការប្តេជ្ញាចិត្តយ៉ាងមុតមាំរបស់សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ចំពោះក្របខ័ណ្ឌកិច្ចសហប្រតិបត្តិការត្បូងពេជ្រក្នុងយុគសម័យថ្មី និងលើគ្រប់វិស័យ ជាពិសេសការបង្កើតនូវសង្គតិភាពរវាង “គំនិតផ្តួចផ្តើមខ្សែក្រវាត់ និងផ្លូវ” និង “យុទ្ធសាស្ត្របញ្ចកោណដំណាក់កាលទី១” និង “ច្រករបៀងឧស្សាហកម្ម” និង “ច្រករបៀងត្រី និងស្រូវ” ។ ដោយឡែក ឯកឧត្តម កឹមរ័ត្ន វិសិដ្ឋ រដ្ឋលេខាធិការទីស្តីការគណៈរដ្ឋមន្រ្តី និងជាប្រធានក្រុមប្រឹក្សា ភិបាលវេទិកាសម្ព័ន្ធសង្គមស៊ីវិល (វ.ស.ស.) បានលើកឡើងថា វ.ស.ស. បានសហការជាមួយវិទ្យាស្ថាន GORDON និងLEON ដែលមានមូលដ្ឋាននៅទីក្រុងប៉េកាំង សាធារណរដ្ឋប្រជាមានិតចិន ក្នុងគោលបំណងសិក្សាស្រាវជ្រាវលើទិដ្ឋភាពសំខាន់ៗនៃ «សហគមន៍ជោគវាសនារួមកម្ពុជា-ចិន» ដើម្បីអបអរសាទរខួបអនុស្សាវរីយ៍លើកទី៦៦ នៃទំនាក់ទំនងការទូតកម្ពុជា-ចិន និងដើម្បីរំលឹកខួបលើកទី៣០ នៃចំណងមិត្តភាពរវាងប្រទេសទាំងពីរ ដែលត្រូវបានពង្រឹងកាន់តែស៊ីជម្រៅ ក្រោមការដឹកនាំរបស់សម្តេចតេជោ ហ៊ុន សែន ឆ្ពោះទៅកាន់ “ក្របខ័ណ្ឌកិច្ចសហប្រតិបត្តិការពេជ្រ” ក្នុងខែកុម្ភៈ ឆ្នាំ២០២៣ និងឆ្នាំបន្តបន្ទាប់។ សៀវភៅនេះប្រមូលផ្តុំទៅដោយអត្ថបទដែលជាការរួមចំណែកពីបណ្ឌិតខ្មែរល្បីៗ មានប្រវត្តិរូបលេចធ្លោ ដោយឆ្លងកាត់ការពិនិត្យ និងកែសម្រួលយ៉ាងហ្មត់ចត់ដោយផងដែរ។ សៀវភៅនេះគ្របដណ្តប់ទិដ្ឋភាពសំខាន់ៗចំនួនបីនៃសហគមន៍ជោគវាសនារួម៖ ១. ទស្សនៈសហគមន៍ជោគវាសនារួមរបស់មនុស្សជាតិរបស់លោកប្រធានាធិបតី Xi Jinping ២. សមិទ្ធផលនៃសហគមន៍ជោគវាសនារួមកម្ពុជា-ចិន និងទស្សនវិស័យសហគមន៍ជោគវាសនារួមកម្ពុជា-ចិន។សៀវភៅនេះគូសបញ្ជាក់អំពីតម្លៃរួម និងគោលបំណងរួម ដែលបានបង្រួមឯកភាពប្រទេសទាំងពីរ ដោយសង្កត់ធ្ងន់លើសារៈសំខាន់នៃកិច្ចសហប្រតិបត្តិការបង្កើតអនាគតដ៏មានសក្តានុពល សម្រាប់ទាំងអស់គ្នា។ សៀវភៅនេះក៏បានបង្ហាញភស្តុតាងពីគោលការណ៍ និងតម្លៃរួម ដែលអាចសម្រេចបានលើគោលនយោបាយការបរទេសប្រកបដោយឯករាជ្យភាពផ្តោតទៅលើសន្តិភាព ការគោរពអធិបតេយ្យភាព និងបូរណភាពទឹកដីនៃប្រទេសទាំងអស់ គោលការណ៍សមភាព មិនថាប្រទេសធំ ឬតូច ប្រទេសខ្លាំង ឬខ្សោយ ប្រទេសអ្នកមាន ឬក្រ ប៉ុន្តែជំរុញការរួមរស់ដោយសន្តិភាព កិច្ចសហប្រតិបត្តិការឈ្នះ-ឈ្នះ ភាពជាដៃគូមិនចូលបក្សសម្ព័ន្ធ និងពហុភាគីនិយម។
អានបន្ត
សារគាំទ្រកិច្ចសហប្រតិបត្តិការតំបន់ត្រីកោណអភិវឌ្ឍន៍ (CLV-DTA)
យើងខ្ញុំទាំងអស់គ្នាសូមប្រកាសគាំទ្រទាំងស្រុងនូវសាររបស់សម្តេចអគ្គមហាសេនា បតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ថ្លែងពន្យល់បន្ថែមជុំវិញកិច្ចសហប្រតិបត្តិការតំបន់ត្រីកោណអភិវឌ្ឍន៍ ដែលមានខ្លឹមសារពោរពេញទៅដោយឧត្តមគតិស្នេហាជាតិមាតុភូមិពិតប្រាកដ និងទស្សនវិស័យវែងឆ្ងាយប្រកបដោយគតិបណ្ឌិត សំដៅការពារសុខសន្តិភាព ស្ថិរភាព និងជំរុញការអភិវឌ្ឍ ដើម្បីផលប្រយោជន៍ប្រជាពលរដ្ឋគ្រប់រូប។ ទន្ទឹមនឹងនេះ យើងខ្ញុំទាំងអស់គ្នាសូមគាំទ្រនូវគ្រប់វិធានការចាំបាច់របស់រាជរដ្ឋាភិបាល ក្រោមការដឹកនាំដ៏ឈ្លាសវៃរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងកិច្ចការពារសន្តិភាព ស្ថិរភាពនយោបាយ និងអធិបតេយ្យភាពជាតិ ដែលជាលក្ខខណ្ឌមិនអាចខ្វះបានក្នុងការអភិវឌ្ឍប្រទេសជាតិឱ្យរីកចម្រើន សំដៅរក្សាឱ្យបាននូវបូរណភាពដែនដី និងឯករាជ្យជាតិ។
អានបន្ត
សេចក្តីថ្លែងការណ៍
យើងខ្ញុំជាថ្នាក់ដឹកនាំ និងមន្ត្រីរាជការទាំងអស់ នៃវេទិកាសម្ព័ន្ធសង្គមស៊ីវិល (វ.ស.ស.) សូមថ្កោលទោសយ៉ាងដាច់អហង្ការចំពោះក្រុមប្រឆាំងជ្រុលនិយមមួយក្តាប់តូច ដែលបាននិងកំពុងធ្វើសកម្មភាពបំផុសបំផុល ផ្សព្វផ្សាយព័ត៌មានមិនពិត និងញុះញង់ប្រជាពលរដ្ឋនិងកងកម្លាំងឱ្យធ្វើការផ្តួលរំលំរាជរដ្ឋាភិបាលស្របច្បាប់នៅកម្ពុជា។ សកម្មភាព និងល្បិចកលដ៏ខ្មៅងងឹតរបស់ក្រុមអគតិអស់ទាំងនោះ ជាការប៉ុនប៉ងអូសទាញប្រទេសកម្ពុជាឱ្យធ្លាក់ក្នុងសភាពវឹកវរ ហិង្សា និងជាការប៉ុនប៉ងបំផ្លិចបំផ្លាញសាមគ្គីភាព ឯកភាពជាតិ សន្តិភាព ស្ថិរភាព និងការអភិវឌ្ឍប្រទេស។យើងខ្ញុំទាំងអស់គ្នាសូមប្រកាសគាំទ្រទាំងស្រុងនូវសាររបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ថ្លែងពន្យល់បន្ថែមជុំវិញកិច្ចសហប្រតិបត្តិការតំបន់ត្រីកោណអភិវឌ្ឍន៍ ដែលមានខ្លឹមសារពោរពេញទៅដោយឧត្តមគតិស្នេហាជាតិមាតុភូមិពិតប្រាកដ និងទស្សនវិស័យវែងឆ្ងាយប្រកបដោយគតិបណ្ឌិត សំដៅការពារសុខសន្តិភាព ស្ថិរភាព និងជំរុញការអភិវឌ្ឍ ដើម្បីផលប្រយោជន៍ប្រជាពលរដ្ឋគ្រប់រូប។ ទន្ទឹមនឹងនេះ យើងខ្ញុំទាំងអស់គ្នាសូមគាំទ្រនូវគ្រប់វិធានការចាំបាច់របស់រាជរដ្ឋាភិបាល ក្រោមការដឹកនាំដ៏ឈ្លាសវៃរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងកិច្ចការពារសន្តិភាព ស្ថិរភាពនយោបាយ និងអធិបតេយ្យភាពជាតិ ដែលជាលក្ខខណ្ឌមិនអាចខ្វះបានក្នុងការអភិវឌ្ឍប្រទេសជាតិឱ្យរីកចម្រើន សំដៅរក្សាឱ្យបាននូវបូរណភាពដែនដី និងឯករាជ្យជាតិ។ឆ្លៀតក្នុងឱកាសនេះ យើងខ្ញុំទាំងអស់គ្នា សូមអំពាវនាវដល់ប្រជាពលរដ្ឋ ជាពិសេសយុវជនទាំងក្នុង និងក្រៅប្រទេស សូមកុំជឿតាមការញុះញង់ និងការផ្សព្វផ្សាយបំបែកបំបាក់ជាតិ ពីសំណាក់ក្រុមប្រឆាំងជ្រុលនិយមមួយក្តាប់តូច ដែលតែងតែប្រើឧបាយកលទុច្ចរិត និងបង្កអស្ថិរភាព ដើម្បីបម្រើរបៀបវារៈនយោបាយដ៏ខ្មៅងងឹតរបស់ពួកគេ ដោយមិនខ្វល់ពីសុខទុក្ខរបស់ប្រជាពលរដ្ឋ និងឧត្តមប្រយោជន៍ជាតិឡើយ។ សូមប្រជាពលរដ្ឋកម្ពុជាទាំងអស់រួបរួមគ្នា សាមគ្គីជាធ្លុងមួយ ដើម្បីការពារសុខសន្តិភាព និងរួមចំណែកក្នុងការអភិវឌ្ឍសង្គមជាតិឱ្យកាន់តែសម្បូរសប្បាយរុងរឿងតរៀងទៅ។
អានបន្ត
រាជរដ្ឋាភិបាលនៅតែបន្តយកចិត្តទុកដាក់ និងផ្តល់សារៈសំខាន់ដល់តួនាទីរបស់អង្គការសង្គមស៊ីវិលនៅក្នុងយុទ្ធសាស្រ្តបញ្ចកោណដំណាក់កាលទី១
ស្វាយរៀង ព្រៃវែង និងកំពង់ចាម៖ ចាប់ពីថ្ងៃទី៧ ដល់ថ្ងៃទី៩ ខែសីហា ឆ្នាំ២០២៤ វេទិកាសម្ព័ន្ធសង្គមស៊ីវិល (វ.ស.ស) បានរៀបចំវេទិកាសន្ទនាជាមួយអង្គការសង្គមស៊ីវិលនៅខេត្តស្វាយរៀង ព្រៃវែង កំពង់ចាម និងត្បូងឃ្មុំ ក្រោមអធិបតីភាពឯកឧត្តម កឹមរ័ត្ន វិសិដ្ឋ រដ្ឋលេខាធិការទីស្តីការគណៈរដ្ឋមន្ត្រី និងជាប្រធានក្រុមប្រឹក្សាភិបាល វ.ស.ស ដោយមានការចូលរួមពីឯកឧត្តម ម៉ែន កល្យាណ អភិបាលរងខេត្តស្វាយរៀង ឯកឧត្តម អន ភារៈ អភិបាលរងខេត្តព្រៃវែង និងឯកឧត្តម ខ្លូត ចិន្តា អភិបាលរងខេត្តកំពង់ចាម និងឯឧត្តម ណុប ឡងឌី អភិបាលរងខេត្តត្បូងឃ្មុំ តំណាងអង្គការសង្គមស៊ីវិលនៅក្នុងខេត្តទាំង៤ រួមទាំងសមាជិកដៃគូសហការរបស់វ.ស.ស.។ នេះគឺជាកិច្ចប្រជុំដែលវ.ស.ស.រៀបចំធ្វើជារៀងរាល់ឆ្នាំ ក្នុងគោលបំណងស្វែងយល់ពីសុខទុក្ខរបស់អង្គការសង្គមស៊ីវិល ដែលកំពុងប្រតិបត្តិនៅតាមមូលដ្ឋានរបស់ខ្លួន និងដើម្បីពង្រឹងពង្រីកភាពជាដៃគូសហការជាមួយអង្គការស៊ីវិលប្រចាំខេត្តទាំង៤ផងដែរ។ សម្រាប់ឆ្នាំ២០២៤នេះ វ.ស.សបានជ្រើសរើសប្រធានបទស្តីពី «ការឈ្វេងយល់ពីតួនាទីអង្គការសង្គមស៊ីវិលក្នុងក្របខ័ណ្ឌយុទ្ធសាស្រ្តបញ្ចកោណដំណាក់កាលទី១» រួមទាំងការផ្សព្វផ្សាយពីអត្ថប្រយោជន៍ជាច្រើន ដែលអង្គការសង្គមស៊ីវិលទទួលបានពីកម្មវិធីបេឡាជាតិសន្តិសុខសង្គម (ប.ស.ស.) ដោយមានការចូលរួមធ្វើបទបង្ហាញពីតំណាង ប.ស.ស. ប្រចាំខេត្តនីមួយៗ។នៅក្នុងឱកាសនោះ ឯកឧត្តម កឹមរ័ត្ន វិសិដ្ឋ បានគូសបញ្ជាក់ថា ជានិច្ចជាកាល រាជរដ្ឋាភិបាលក្រោមការដឹកនាំប្រកបដោយភាពក្លៀវក្លានិងវាងវៃរបស់ សម្តេចមហាបវរតិបតី ហ៊ុន ម៉ាណែត នៅតែបន្តយកចិត្តទុកដាក់និងផ្តល់សារៈសំខាន់ដល់តួនាទីរបស់អង្គការសង្គមស៊ីវិលដែលជាដៃគូដ៏សំខាន់ និងវាយតម្លៃខ្ពស់ចំពោះការចូលរួមចំណែករបស់អង្គការសង្គមស៊ីវិលជាមួយរាជរដ្ឋាភិបាលក្នុងការអភិវឌ្ឍសេដ្ឋកិច្ចនិងសង្គម។ រាជរដ្ឋាភិបាលតែងតែបង្កឱ្យមានលំហសេរីភាព និងបង្កលក្ខណៈងាយស្រួលដល់អង្គការសង្គមស៊ីវិលអាចធ្វើសកម្មភាពស្របតាមលក្ខន្តិកៈរៀងៗខ្លួន។នៅក្នុងឱកាសនោះ ឯកឧត្តម កឹមរ័ត្ន វិសិដ្ឋ បានគូសបញ្ជាក់ថា ជានិច្ចជាកាល រាជរដ្ឋាភិបាលក្រោមការដឹកនាំប្រកបដោយភាពក្លៀវក្លានិងវាងវៃរបស់ សម្តេចមហាបវរតិបតី ហ៊ុន ម៉ាណែត នៅតែបន្តយកចិត្តទុកដាក់និងផ្តល់សារៈសំខាន់ដល់តួនាទីរបស់អង្គការសង្គមស៊ីវិលដែលជាដៃគូដ៏សំខាន់ និងវាយតម្លៃខ្ពស់ចំពោះការចូលរួមចំណែករបស់អង្គការសង្គមស៊ីវិលជាមួយរាជរដ្ឋាភិបាលក្នុងការអភិវឌ្ឍសេដ្ឋកិច្ចនិងសង្គម។ រាជរដ្ឋាភិបាលតែងតែបង្កឱ្យមានលំហសេរីភាព និងបង្កលក្ខណៈងាយស្រួលដល់អង្គការសង្គមស៊ីវិលអាចធ្វើសកម្មភាពស្របតាមលក្ខន្តិកៈរៀងៗខ្លួន។ថ្លែងក្នុងកិច្ចពិភាក្សានោះ ឯកឧត្តមប្រធានបានផ្តាំផ្ញើអង្គការសង្គមស៊ីវិលបន្តធ្វើសកម្មភាពរបស់ខ្លួនប្រកបដោយភាពស្មោះត្រង់ក្នុងកិច្ចសហការជាមួយក្រសួង-ស្ថាប័ន និងអាជ្ញាធរមូលដ្ឋានក្នុងការអនុវត្តសកម្មភាពរបស់ខ្លួន ដោយគោរពតាមគោលការណ៍ច្បាប់ និងលិខិតបទដ្ឋានគតិយុត្តជាធរមាន និងលក្ខន្តិកៈរបស់ខ្លួន។ ឯកឧត្តម បានក្រើនរំលឹកដល់អង្គការសង្គមស៊ីវិលទាំងអស់ឱ្យបានយល់ជ្រួតជ្រាប អំពីការខិតខំប្រឹងរបស់រាជរដ្ឋាភិបាលក្នុងការអភិវឌ្ឍសង្គមជាតិ ជាពិសេសគឺការអនុវត្តយុទ្ធសាស្រ្តបញ្ចកោណដំណាក់កាលទី១ សំដៅនាំកម្ពុជាសម្រេចបានចក្ខុវិស័យឆ្នាំ២០៣០ និង២០៥០។ជាងនេះទៀត ឯកឧត្តមប្រធានក៏បានក្រើនរំលឹកកុំឱ្យមានការភាន់ច្រឡំជឿតាមការញុះញង់ពីសំណាក់មជ្ឈដ្ឋានអគតិពាក់ព័ន្ធនឹងតំបន់ត្រីកោណអភិវឌ្ឍន៍កម្ពុជា ឡាវ វៀតណាម (CLV-DTA) ដែលនេះជាក្របខ័ណ្ឌសហប្រតិបត្តិការរវាងប្រទេសទាំងបី ក្នុងគោលបំណងសំខាន់តែមួយគត់គឺ ដើម្បីជំរុញការអភិវឌ្ឍ និងលើកកម្ពស់ជីវភាពរបស់ប្រជាពលរដ្ឋនៅតាមតំបន់ជាប់ព្រំដែនរបស់ប្រទេសទាំង៣ដូចប្រសាសន៍ដ៏ក្បោះក្បាយ និងមានអត្ថន័យថ្លៃថ្លារបស់ សម្តេចតេជោ ហ៊ុន សែន ប្រធានព្រឹទ្ធសភា ក្នុងសេចក្តីថ្លែងការណ៍ពិសេសផ្ញើជូនជនរួមជាតិកាលពីថ្ងៃទី២៣ ខែកក្កដា ឆ្នាំ២០២៤។ ឯកឧត្តមបានលើកទឹកចិត្តឱ្យអង្គការសង្គមស៊ីវិលជួយពន្យល់ណែនាំដល់ប្រជាជន ជាពិសេសយុវជននៅក្នុងដែនប្រតិបត្តិការងាររបស់គាត់ឱ្យបានយល់ជ្រួតជ្រាបផងដែរ ជៀសវាងការយល់ភាន់ច្រឡំជឿតាមការឃោសនាអកុសលរបស់ជនអគតិ។ មុននឹងបញ្ចប់ ឯកឧត្តមប្រធានបានសម្តែងនូវទឹកចិត្តរីករាយ និងថ្លែងអំណរគុណយ៉ាងជ្រាលជ្រៅចំពោះការចូលរួមយ៉ាងផុសផុលពីសំណាក់អង្គការសង្គមស៊ីវិលទាំងអស់ ជាមួយអាជ្ញាធរមូលដ្ឋាននិងប្រជាពលរដ្ឋ ក្នុងការអបអរសាទរយ៉ាងក្លៀវក្លាដល់ពិធីបើកការដ្ឋាន ព្រែកជីកហ្វូណនតេជោ កាលពីថ្ងៃទី៥ ខែសីហា កន្លងទៅ ដែលជាគម្រោងប្រវត្តិសាស្រ្តរបស់កម្ពុជា ដែលនឹងផ្តល់ផលប្រយោជន៍សេដ្ឋកិច្ចយ៉ាងធំធេងដល់ប្រទេសជាតិ និងប្រជាជនយើងទាំងអស់គ្នា។
អានបន្ត
សារជូនពរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា នៅក្នុងឱកាសពិធីចម្រើនជន្មាយុគម្រប់៧២ឆ្នាំ ឈានចូល៧៣ឆ្នាំ
ថ្នាក់ដឹកនាំ និងមន្រ្តីរាជការទាំងអស់នៃវេទិកាសម័្ពន្ធសង្គមស៊ីវិល (វ.ស.ស.) សូមគោរពជូនពរដោយស្មោះអស់ពីដួងចិត្ត គោរពជូនចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា នៅក្នុងឱកាសពិធីចម្រើនជន្មាយុគម្រប់៧២ឆ្នាំ ឈានចូល៧៣ឆ្នាំ នៅថ្ងៃទី៥ ខែសីហា ដែលជាថ្ងៃប្រវត្តិសាស្រ្តនៃការបើកការដ្ឋានសាងសង់ «ព្រែកជីកហ្វូណនតេជោ»។ សូម សម្តេចតេជោ និងសម្តេចកិត្តិព្រឹទ្ធបណ្ឌិត ព្រមទាំងបុត្រា បុត្រី និងចៅប្រុស ចៅស្រី ជាទីស្រឡាញ់ មានសុខភាពល្អបរិបូរណ៍ សិរីមង្គល វិបុលសុខមហាប្រសើរ និងសមប្រកបតែនឹងពុទ្ធពរដ៏ប្រសើរថ្លៃថ្លាទាំងបួនប្រការ គឺអាយុ វណ្ណៈ សុខៈ និងពលៈ ជានិច្ចនិរន្តរ៍។
អានបន្ត