- អំពី វ.ស.ស
- ព័ត៌មាន
- គម្រោងអភិវឌ្ឍ
- ដៃគូសហប្រតិបត្តិការ
- ច្បាប់ និងលិខិតបទដ្ឋាន
- ចំណេះដឹង
- កម្រងរូបភាព
- +៨៥៥ (០)២៣ ២១២ ៦៨៤
- info@csaf.org.kh
វ.ស.ស. ជាស្ថាប័នដែលត្រូវបានបង្កើតឡើងតាមអនុក្រឹត្យលេខ១២៨ អនក្រ.បក របស់រាជរដ្ឋាភិបាលចុះថ្ងៃទី២៦ ខែមិថុនា ឆ្នាំ២០១៦ ដើម្បីគាំទ្រកិច្ចអភិវឌ្ឍប្រទេសតាមរយៈអង្គការសង្គមស៊ីវិល ស្របតាមគោលនយោបាយអភិវឌ្ឍជាតិកម្ពុជា។
ស្ថាប័ននេះ មានទិសដៅជំរុញកិច្ចសហប្រតិបត្តិការរវាងអង្គការមិនមែនរដ្ឋាភិបាល សមាគម សហគមន៍ និងសហជីព ជាមួយរាជរដ្ឋាភិបាល សម្របសម្រួលការងាររបស់ពួកគាត់ជាមួយអាជ្ញាធរដែនដី លើកទឹកចិត្ត និងជំរុញការបង្កើនកិច្ចសហការ និងការចែករំលែកបទពិសោធន៍រវាងស្ថាប័នអនុវត្តទាំងអស់នៅក្នុងវិស័យសង្គមស៊ីវិល ដើម្បីឈានទៅសម្រេចឱ្យបាននូវការអភិវឌ្ឍកម្ពុជាដ៏ឆាប់រហ័ស ប្រកបដោយនិរន្តភាព និងចីរភាព។
រាជរដ្ឋាភិបាលកម្ពុជា បានទទួលថវិកាពីមូលនិធិជប៉ុនសម្រាប់ភាពរីកចម្រើន និងភាពធន់នៅអាស៊ី និងប៉ាស៊ីហ្វិក (JFPR) ដែលគ្រប់គ្រងដោយធនាគារអភិវឌ្ឍន៍អាស៊ី (ADB) ដើម្បីផ្តល់មូលនិធិដល់គម្រោងការស្តារឡើងវិញនូវជំងឺកូវីដ-១៩ (CBTCR) របស់សហគមន៍ទេសចរណ៍។វេទិកាសម្ព័ន្ធសង្គមស៊ីវិល (CSAF) គឺជាទីភ្នាក់ងារប្រតិបត្តិនៃគម្រោង CBTCR ហើយបានបង្កើតអង្គភាព សម្របសម្រួលគម្រោង (PCU) ។ ភ្នាក់ងារអនុវត្តគឺអាជ្ញាធរជាតិព្រះវិហារ (NAPV) និងការិយាល័យរដ្ឋបាលស្រុកអង្គរបូរី (ABDAO)។ គម្រោង CBTCR នឹងជំរុញការអភិវឌ្ឍន៍ទេសចរណ៍នៅក្នុង៖១. ភូមិតេជោធម្មជាតិ ក្នុងស្រុកជាំក្សាន្ត ខេត្តព្រះវិហារ និង ២. ភូមិព្រែកតាផ ស្រុកអង្គរបូរី ខេត្តតាកែវ។ភូមិទាំងពីរនេះស្ថិតនៅតំបន់មាត់ទឹក ហើយនៅជិតតំបន់បេតិកភណ្ឌសំខាន់ៗនៃប្រាសាទព្រះវិហារ និងប្រាសាទភ្នំដា។
ទិដ្ឋភាពទូទៅរបស់គម្រោងគម្រោងភូមិមិត្តភាពកម្ពុជា-ចិន ដើម្បីកាត់បន្ថយភាពក្រីក្រ គឺជាគម្រោងកិច្ចសហប្រតិបត្តិការរវាងវេទិកាសម្ព័ន្ធសង្គមស៊ីវិល (វ.ស.ស.) និងមូលនិធិចិនដើម្បីសន្តិភាពនិងការអភិវឌ្ឍ (CFPD) ក្នុងក្របខណ្ឌនៃការលើកកម្ពស់មិត្តភាព និងការផ្លាស់ប្តូររវាងប្រជាជនចិន និងកម្ពុជា និងការជំរុញការផ្លាស់ប្តូរនិងកិច្ចសហប្រតិបត្តិការក្នុងវិស័យសង្គមស៊ីវិល រវាងប្រទេសកម្ពុជានិងចិន។គម្រោងភូមិគំរូមិត្តភាពកម្ពុជា-ចិន ដើម្បីកាត់បន្ថយភាពក្រីក្រ បានទទួលបានការគាំទ្រថវិកាពីមូលនិធិចិន CFPD និងសម្របសម្រួលការអនុវត្តដោយ វ.ស.ស.។ គម្រោងអភិវឌ្ឍន៍នេះមានគោលដៅពង្រឹងកិច្ចសហប្រតិបត្តិការឱ្យកាន់តែជិតស្និទ្ធថែមទៀត រវាងអង្គការសង្គមស៊ីវិលនៃប្រទេសទាំងពីរ និងមានគោលបំណងលើកកម្ពស់សុខមាលភាព និងជីវភាពរស់នៅរបស់ប្រជាពលរដ្ឋក្នុងភូមិគោលដៅ ដើម្បីឈានទៅចូលរួមចំណែកកាត់បន្ថយភាពក្រីក្ររបស់ប្រជាពលរដ្ឋ ស្របតាមគោលដៅអភិវឌ្ឍន៍ប្រកបដោយចីរភាពរបស់កម្ពុជា ដែលមានទិសដៅលុបបំបាត់ភាពក្រីក្រនៅឆ្នាំ២០៣០ និងជាពិសេសស្របតាមយុទ្ធសាស្រ្តចតុកោណដំណាក់កាលទី៤ នៃរាជរដ្ឋាភិបាលកម្ពុជា ដែលផ្តោតសំខាន់លើការអភិវឌ្ឍធនធានមនុស្ស ពិពិធកម្មសេដ្ឋកិច្ច ការអភិវឌ្ឍការងារនិងវិស័យឯកជន និងការអភិវឌ្ឍប្រកបដោយចីរភាពបរិយាប័ន្ន។គម្រោងភូមិគំរូមិត្តភាពកម្ពុជា-ចិន ដើម្បីកាត់បន្ថយភាពក្រីក្រ បានជ្រើសរើសយកភូមិតានន ដែលស្ថិតនៅក្នុងឃុំដូង ស្រុកបាទី ខេត្តតាកែវ សម្រាប់ការអនុវត្តគម្រោងដែលមានរយៈពេលបីឆ្នាំ(២០១៩-២០២២)។ ក្នុងគោលបំណងដើម្បីលុបបំបាត់ភាពក្រីក្រ និងលើកកម្ពស់ជីវភាពរបស់នៅរបស់ប្រជាជនភូមិតានន វាជាការចាំបាច់ក្នុងការស្វែងយល់អំពីឧបសគ្គចំពោះការអភិវឌ្ឍភូមិតានន។ ដូច្នេះ បញ្ហាប្រឈម និងតម្រូវការត្រូវបានកំណត់តាមរយៈវេទិកាសាធារណៈនិងការស្ទាបស្ទង់មតិជាមួយប្រជាជនក្នុងភូមិ ដែលត្រូវបានធ្វើឡើងដោយ វ.ស.ស.។ ជាលទ្ធផល យុទ្ធសាស្រ្តអនុវត្តគម្រោងបានផ្តោតសំខាន់លើផ្នែកបីសំខាន់ សម្រាប់ការអភិវឌ្ឍភូមិតានន រួមមាន៖ ១-ការអភិវឌ្ឍហេដ្ឋារចនាសម្ព័ន្ធ ២-ការគាំពារសង្គម អនាម័យ និងការលើកកម្ពស់បរិស្ថាន និង ៣-ការអភិវឌ្ឍសេដ្ឋកិច្ចនិងការបង្កើនប្រាក់ចំណូល។ សកម្មភាពសំខាន់ៗនៃការអនុវត្តគម្រោងផ្តោតសំខាន់លើការអភិវឌ្ឍហេដ្ឋារចនាសម្ព័ន្ធ ការលើកកម្ពស់ការអប់រំ និងកិច្ចគាំពារសង្គម និងការផ្គត់ផ្គង់ទឹកស្អាតសម្រាប់ប្រើប្រាស់ ការគាំពារសុខភាពប្រជាជន ការអភិវឌ្ឍវិស័យកសិកម្ម ដូចជាការចិញ្ចឹមសត្វ និងការស្តាររបរហត្ថកម្មបែបប្រពៃណី និងការបណ្តុះបណ្តាលវិជ្ជាជីវៈជាដើម។បន្ទាប់ពីគម្រោងនេះបានអនុវត្តដោយជោគជ័យ ភូមិតាននមានស្ថានភាពសេដ្ឋកិច្ច សង្គមល្អប្រសើរជាងមុន ដោយមានការអភិវឌ្ឍលើហេដ្ឋារចនាសម្ព័ន្ធ ការអប់រំ និងការថែទាំសុខភាព ដែលបានជួយលើកកម្ពស់ជីវភាពរស់នៅរបស់ប្រជាជនបានកាន់តែប្រសើរឡើង ស្ថានភាពសុខភាពនិងអនាម័យមានភាពល្អប្រសើរ ហើយគ្រួសារនីមួយៗមានចំណូលដែលមានស្ថិរភាពល្អប្រសើរជាងមុន។ ជោគជ័យនៃគម្រោងភូមិគំរូតានន បានផ្តល់មាគ៌ាសម្រាប់គម្រោងសហប្រតិបត្តិការសម្រាប់ការអភិវឌ្ឍផ្សេងទៀត រវាងសង្គមស៊ីវិលកម្ពុជានិងចិន ក្នុងគោលដៅលុបបំបាត់ភាពក្រីក្រ។
ទិដ្ឋភាពទូទៅរបស់គម្រោងដើម្បីឆ្លើយតបទៅនឹងគំនិតផ្តួចផ្តើមខ្សែក្រវាត់ និងផ្លូវ (BRI) អង្គការមិនមែនរដ្ឋាភិបាលចិនបានចូលរួមយ៉ាងសកម្មក្នុងការអភិវឌ្ឍន៍សង្គមក្នុងបណ្តាប្រទេសជាសមាជិករបស់គំនិតផ្តួចផ្តើមនះ ក្រោមក្របខណ្ឌ \"គំនិតផ្តួចផ្តើមកសាងសហគមន៍ផ្លូវសូត្រ\"។ ដោយមានការយល់ដឹងពីសារៈសំខាន់នៃការអប់រំរបស់កុមារ ដែលមានការកើនឡើងនូវគំនិតផ្តួចផ្តើមសម្រាប់ការអប់រំជាច្រើន ដើម្បីផ្តល់នូវការលើកទឹកចិត្តដ៏ត្រឹមត្រូវសម្រាប់កុមារតូច។ ចំនួនកុមារតូចៗដែលមានស្ថានភាពរស់នៅផ្សេងៗគ្នា បានចុះឈ្មោះចូលរៀននៅសាលាបឋមសិក្សាកំពុងកើនឡើងឥតឈប់ឈរ ដូច្នេះវិធានការនានាដែលអាចឆ្លើយតបប្រកបដោយប្រសិទ្ធភាពចំពោះការផ្លាស់ប្តូរទាំងនេះនៅក្នុងបរិយាកាសអប់រំ ក៏ស្ថិតក្នុងតម្រូវការបន្ទាន់ផងដែរ។គម្រោងកញ្ចប់នៃក្តីស្រឡាញ់ ដែលបានអនុវត្តនៅប្រទេសកម្ពុជា ក្រោមកិច្ចសហការរវាង វេទិកាសម្ព័ន្ធសង្គមស៊ីវិល (វ.ស.ស.) និងមូលនិធិចិនដើម្បីអភិវឌ្ឍជនបទ មានគោលបំណងពង្រឹងគុណភាពការអប់រំរបស់កុមារកម្ពុជា។ចាប់តាំង ពីឆ្នាំ២០១៨មក មូលនិធិចិនដើម្បីអភិវឌ្ឍជនបទ បានសហការជាមួយវេទិកាសម្ព័ន្ធសង្គមស៊ីវិលក្នុងការផ្តល់ជូននូវសម្ភារៈ សិក្សាដល់សិស្សានុសិស្សនៅទូទាំងប្រទេសកម្ពុជា។ សម្ភារៈសិក្សាទាំងនេះរួមមានកាតាប ប៊ិក ខ្មៅដៃ ជ័រលុប ហ្វឺត បន្ទាត់ និងសម្ភារៈឧបទ្ទេសជាច្រើនទៀត។ រយៈពេល៥ឆ្នាំកន្លងមកនេះ តាមរយៈវេទិកាសម្ព័ន្ធសង្គមស៊ីវិល សម្ភារៈសិក្សាចំនួនជាង១៨ម៉ឺនកញ្ចប់ ដែលជាអំណោយរបស់មូលនិធិចិនដើម្បីអភិវឌ្ឍជនបទបានចែកដល់សិស្សានុសិស្សនៅទូទាំងប្រទេសកម្ពុជា។ ដោយឡែកនៅឆ្នាំ២០២៣ កញ្ចប់ផេនដាចំនួន ៣០ ០៥៦កញ្ចប់ បានចែកជូនដល់សិស្សានុសិស្សចំនួន១១២ សាលា នៅក្នុងរាជធានីភ្នំពេញ ខេត្តតាកែវ ខេត្តកំពង់ស្ពឺ ខេត្តបាត់ដំបង ខេត្តសៀមរាប និងខេត្តកំពង់ធំ។គម្រោងក៏បានឆ្លុះបញ្ចាំងនូវសក្ខីភាពចំនួន ៣ ដូចជា៖១- ការចូលរួមបង្កើនទាំងបរិមាណ ទាំងគុណភាពសិក្សាដល់សិស្សានុសិស្សកម្ពុជា២- ការចូលរួមពង្រឹងនិងពង្រីកប្រពៃណីទំនាក់ទំនងរវាងប្រជាជននិងប្រជាជននៃប្រទេសយើងទាំងពីរ ៣- ការចូលរួមអបអរសាទរខួប៦៥ឆ្នាំនៃទំនាក់ទំនងការទូតកម្ពុជា-ចិន។
នាព្រឹក ថ្ងៃចន្ទ ខែមីនា ឆ្នាំ២០២៥ ឯកឧត្តម ប៉ៃ សំបូរ អគ្គលេខាធិការវេទិកាសម្ព័ន្ធសង្គមស៊ីវិល (វ.ស.ស.) តំណាងដ៏ខ្ពង់ខ្ពស់ឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាលវ.ស.ស បានប្រគល់វត្ថុអនុស្សាវរីយ៍ជូនដល់មន្រ្តីរាជការជាស្រ្តី និងមន្ត្រីរាជការជាបុរសសម្រាប់ជូនភរិយា ដើម្បីចូលរួមអបអរសាទរទិវាអន្តរជាតិនារី ៨មីនា ខួបទី១១៤ ឆ្នាំ២០២៥ ក្រោមប្រធាន បទ «សិទ្ធិ សមភាព និងភាពអង់អាចចំពោះស្រ្តី និងក្មេងស្រីគ្រប់រូប»។
អបអរសាទរទិវាអន្តរជាតិនារី ៨មីនា ខួបទី១១៤ ឆ្នាំ២០២៥ ក្រោមប្រធាន បទ «សិទ្ធិ សមភាព និងភាពអង់អាចចំពោះស្រ្តី និងក្មេងស្រីគ្រប់រូប»
(ភ្នំពេញ)៖ ក្នុងគោលបំណងពង្រឹងភាពជាអ្នកជិតខាងល្អ មិត្ដភាព និងភាពជឿជាក់គ្នាទៅវិញទៅមក ដើម្បីលើកកម្ពស់ការរៀនសូត្រពីគ្នា និងការផ្លាស់ប្ដូរវប្បធម៌រវាងប្រជាជននិងប្រជាជននៃប្រទេសកម្ពុជា-ចិន និងបណ្ដាប្រទេសស្ថិតក្នុងក្របខណ្ឌអង្គការសហប្រតិបត្ដិការសៀងហៃ វេទិកាសម្ព័ន្ធសង្គមស៊ីវិលនៃទីស្ដីការគណៈរដ្ឋមន្ដ្រី បានចុះអនុស្សរណៈនៃការយោគយល់ជាមួយគណៈកម្មាធិការសម្រាប់ភាពជាអ្នកជិតខាងល្អ មិត្ដភាព និងកិច្ចសហប្រតិបត្ដិការប្រចាំប្រទេសចិន នៃអង្គការសហប្រតិបត្ដិការសៀងហៃ។ការចុះហត្ថលេខាលើអនុស្សរណៈនៃការយោគយល់នេះ បានប្រព្រឹត្ដឡើងនារសៀល ថ្ងៃទី៤ ខែមីនា ឆ្នាំ២០២៥ នៅទីស្ដីការគណៈរដ្ឋមន្ដ្រី រវាង លោក កឹមរ័ត្ន វិសិដ្ឋ រដ្ឋលេខាធិការទីស្ដីការគណៈរដ្ឋមន្ដ្រី និងជាប្រធានក្រុមប្រឹក្សាវេទិកាសម្ព័ន្ធសង្គមស៊ីវិល (វ.ស.ស) និងលោកស្រី CUI Li អនុប្រធានគណៈកម្មាធិការសម្រាប់ភាពជាអ្នកជិតខាងល្អ មិត្ដភាព និងកិច្ចសហប្រតិបត្ដិការប្រចាំប្រទេសចិន នៃអង្គការសហប្រតិបត្ដិការសៀងហៃ ក្នុងដំណើរទស្សនកិច្ចរបស់លោកស្រីមកកាន់កម្ពុជា។ តាមស្មារតីនៃអនុស្សរណៈនេះ ភាគីទាំងពីរនឹងខិតខំជំរុញមិត្ដភាពប្រជាជននិងប្រជាជន និងកិច្ចសហប្រតិបត្ដិការជាក់ស្ដែងរវាងប្រទេសកម្ពុជានិងចិន ក៏ដូចជាប្រទេសជាសមាជិកនៃអង្គការសហប្រតិបត្ដិការសៀងហៃ លើវិស័យអប់រំ ឱសថបុរាណ ការផ្លាស់ប្ដូរវប្បធម៌ និងការអប់រំបច្ចេកវិទ្យាឌីជីថល ព្រមទាំងវិស័យសង្គមស៊ីវិលផងដែរ។នៅក្នុងជំនួបពិភាក្សានាថ្ងៃនេះ លោក កឹមរ័ត្ន វិសិដ្ឋ បានបញ្ជាក់ថាអនុស្សរណៈនេះ គឺជាមូលដ្ឋានសំខាន់សម្រាប់អនុញ្ញាតឱ្យវ.ស.ស និងអង្គការសហប្រតិបត្ដិការសៀងហៃ ផ្ដល់ឱកាសឱ្យពង្រីកកិច្ចសហប្រតិបត្ដិការដើម្បីផលប្រយោជន៍ទៅវិញមករវាងប្រជាជននិងប្រជាជន។
